我哋第二場《佔領立法會》x 《理大圍城》放映會(加場) 昨日順利完成。 十分感謝香港獨立政治文化學者黃偉國博士（Benson) 專程嚟到我哋當中分享，期間Benson 就香港人文化傳承及身份認同分析十分透徹，啟發到我哋進一步思考如何延續香港運動。 樂於見到唔少觀眾發表感想，大家非常享受當刻嘅言論自由！亦再次感謝各位出席，殷切期待我哋可以喺《時代革命》放映會及日後其他活動中再次相聚。612好快就到，做好準備，迎接挑戰！ [ngg src="galleries" display="basic_thumbnail" thumbnail_crop="0"]
尋日嘅《理大圍城x佔領立法會》放映會得以順利進行實在有賴 Hong Kong Assistance & Resettlement Community (HKARC)、英國港僑協會（HKB) 及一班Reading HKers 義工協助。 同時，亦好感動見到觀眾們嘅全力配合。眼見完場後啲櫈瞬間收好哂，實在不得不佩服香港人嘅高度自發精神。 雖然收到好多訊息表示買唔到飛，好想有加場，但因為我哋無funding, 如果門票滯銷，義工們需要自掏荷包找數，所以我哋需要確保有足夠嘅觀眾人數，先可以加場。有見及此，我哋準備咗一份意向表俾大家。如果想睇但一直撲唔到飛，唔好猶豫，盡快填好呢份意向表俾我哋知，人數足夠，我哋就會加場。 #理大圍城#佔領立法會#Reading [ngg src="galleries" ids="2" display="basic_thumbnail"]
